سما المصري أنا سمعت نصيحة البابا تواضروس (بالصور)

قامت الفنانة سما المصري، بزيارة مصابي تفجير كنيسة مارجرجس بطنطا، والمتواجدين حاليا بمستشفى معهد ناصر بالقاهرة، موضحة أنها قامت بذلك تلبية لرسالة البابا تواضرس الذي حث المصريين على زيارتهم والتخفيف من آلامهم.


وأوضحت "المصري" في تصريحات صحفية لها: "انا في حياتي بصراحه ماشفتش اطيب من القلوب دي وصفائها وسماحتها وسلامها....النهارده وانا بازور مصابي حادث كنيسه طنطا الارهابي بمعهد ناصر من اخواتنا الاقباط حسيت ان البلد لسه بخير لما ناس كل يوم تتعرض لاذي نفسي وبدني حتي في اعيادها وتقابلني بالضحكه دي والابتسامه دي والتفائل دا في مستقبل البلد يبقي البلد لسه بخير...لما اقولهم معلش ماتزعلوش ولا تتضايقوا يقولوا لي احنا مضايقين علي الشاب اللي فجر نفسه وعمل في نفسه وفينا كده وانه صعبان عليهم لانه مغيب يبقي مصر بخير...ناس رغم المها في عيدها بس مبتسمه ذي ماانتوا شايفين في الصور".



واضافت: "انا بصراحه ارتحت لما زورتهم وبقيت بافتخر بمصريتي اكتر واكتر...وياريت كل واحد يعمل ذي ماالبابا تواضروس قال اننا نروح نعيد عليهم ونزورهم في المستشفيات بالورود ونقولهم احنا معاهم ومفيش حد هيفرق بينا ونبوس علي راسهم ونشد علي ايديهم وصدقوني هو دا العيد بالنسبه لهم ورده وكلمه حلوه هم مش عايزين اكتر من كده.....اطيب قلوب شفتها في حياااااتي....اجدع ناس اقباط مصر.....ربنا يشفي مرضاهم ويرحم شهدائهم".








شاهد المحتوى الأصلي علي بوابة الفجر الاليكترونية